Categories: AktualitetLajme

Ambasadat shqiptare si “fole” pasurimi, dhe jo mbrojtjeje për shtetasit shqiptarë

Mbrojtja e të drejtave të shtetasve shqiptarë, përveçse një detyrim patriotik është në fakt më shumë se kaq një detyrim kushtetues.

Ndër dispozitat e para të kushtetutës nis pikërisht me këtë garanci. Pra në Nenin 8 thuhet shprehimisht:

  1. Republika e Shqipërisë mbron të drejtat kombëtare të popullit shqiptar që jeton jashtë kufijve të saj. 2. Republika e Shqipërisë mbron të drejtat e shtetasve shqiptarë me banim të përkohshëm ose të përhershëm jashtë kufijve të vet. 3. Republika e Shqipërisë u siguron ndihmë shtetasve shqiptarë që jetojnë e punojnë jashtë shtetit për të ruajtur e për të zhvilluar lidhjet me trashëgiminë kulturore kombëtare.

Dispozita e mësipërme e kushtetutës nuk ka nevojë në fakt për ndonjë sy juristi e as për ndonjë intepretim të thelluar, pasi e përcakton mjaft qartë obligimin e shtetit shqiptar ndaj qytetarëve të tij që jetojnë jashtë kufirit.

Por si çdo herë tjetër shteti ynë është treguar thuajse tërësisht inekzistent e indiferent kur ka ardhur puna për të mbrojtur, asistuar apo ndihmuar bashkëkombasit tanë që jetojnë jashtë trojeve.

Nga hapja e kufijve zyrtarë shtetërorë e deri më sot në vendin fqinj në Greqi, kanë humbur jetën me qindra emigrantë shqiptarë ku pjesa më  madhe kanë vdekur nëpër burgje. Dhe ironia e fatit është që asnjë gardian apo zyrtar i burgut nuk ka mbajtur përgjegjësi për këto raste.

Por edhe më ironike e aq fatkeqësi është mosveprimi e indiferentizmi i shtetit tonë për të mbrojtur e kërkuar llogari për qytetarët e tij që i vdesin përditë burgjeve.

Për këto vdekje nëpër burgjet greke e jo vetëm ka pasur reagime edhe nga organizmat ndërkombëtarë. Në jo pak raste ka reaguar OKB-ja, Komisoni Evropian e institute të huaja, por jo shteti shqiptar.

Dhe të mendosh që nga taksat tona dhe nga taksat e familjeve të atyre që përfundojnë të vrarë nëpër burgje vetëm pse janë shqiptarë, paguhen me dhjetëra e qindra punonjës ambasadash për të mbrojtur e për t’u kujdesur për ta. Por që në fakt ambasadat tona nëpër botë nuk e kanë kryer kurrë rolin për të cilin paguhen.

Në të shumtën e rasteve ata nuk u hapin as telefonin shtetasve shqiptarë që kanë nevojë për to. Për të mos thënë që trefishojnë a katërfishojnë tarifat e shërbimeve që merren nëpër zyrat e atyre.

E gjithë kjo sepse për ata me rëndësi është fitimi dhe jo kryerja e misionit të tyre. E gjithë kjo sepse amabsadat tona nëpër botë, kryesisht në evropë janë të zëna duke siguruar specializime e doktoratura për vete dhe të afërmit e tyre, dhe nuk kanë kohë t’i hapin telefonin babait të Florencit, djalit nga Shkodra që vdiqi një vit më parë në një burg në Francë, nga dhuna e madhe e ushtruar nga gardianët.

SHQIP

Founder and CEO në shqip.info / Ideues dhe krijues për shqip.info! Më moton : Shqipëria do të jetë më pranë jush gjithmonë!

Recent Posts

Ja pse kamomili konsiderohet si bima e shenjtë

Kamomili është një bimë mjekësore shumë e njohur e përdorur që në kohët e lashta,…

3 weeks ago

Çfarë ju ndodh nëse flini më shumë se zakonisht

Gjumi të bën më të bukur. Është një fakt i vërtetuar nga shkenca. Rezultati i…

3 weeks ago

Si të zhdukësh thinjat e parakohshme

Pavarësisht moshës, flokët e thinjur janë problem për shumë njerëz, femra dhe meshkuj. Thinjat janë…

3 weeks ago

9 ushqime që mund ti hani pa frikë nëse keni uri natën

Për disa njerëz të ngrënit gjatë natës është një makth dhe për disa, kjo është…

3 weeks ago

Njihuni me disa përfitime shëndetësore për trupin tuaj kur agjëroni

Agjërim do të thotë të heqësh dorë me dëshirë nga konsumi i disa ose të…

3 weeks ago

Shtatë zakonet e njerëzve më të lumtur në botë

Nuk ka kohë më të mirë se sa tani për të menduarit në lidhje me…

3 weeks ago