More

    Ancelotti: Rangnick? Milani të ketë frikë trajnerët e paaftë, jo të huajt

    E ardhmja e stolit të Milanit mbetet për t’u dëshifruar. Nëse nga njëra anë pozicioni i Pioli duket se është forcuar në krahasim me disa javë më parë, hija e Ralf Rangnick është gjithmonë e pranishme, pavarësisht mohimeve.

    Trajneri gjerman mbetet në orbitën e kuqezinjve dhe dyshimet e tifozëve nuk mungojnë. Për këtë temë foli edhe një figurë e njohut e futbollit italian, që ka shkruar historinë me klubin kuqezi, Carlo Ancelotti. Aktualisht në krye të Evertonit, Ancelotti ka fituar gjithçka në krye të Milanit, por ai gjithashtu pati një përvojë në Gjermani, si kundërshtar i Rangnick:

    “Ne u takuam kur isha në Gjermani – i tha Ancelotti Carlo Pellegattit në Instagram. – Nuk e njoh personalisht, por, nga ato që lexova, ai ishte i dashuruar me Milanin e Sacchit. Nuk njoh metodologjinë e tij.”

    Më pas erdhi asisti për Rangnick:

    “Tek Milani duhet të të trembin trajnerët e dobët, jo ata të huaj. Për fat kanë zgjedhur kaq shumë trajnerë të mirë. Fati i një trajneri është i lidhur me faktin që një klub duhet të jetë solid”.

    Mbetet për t’u kuptuar edhe nëse e ardhmja e Zlatan Ibrahimovicit do tëjetë te Milani:

    “Nuk jam i befasuar që ai akoma luan, nuk e di se sa kohë do të luajë. Më ka pëlqyer shumë në nivelin karakterial, është altruist. Ishte gjithmonë shumë i vëmendshëm për ato që nddhte në ekip, kjo është shumë e rëndësishme për një trajner.”


    Top Channel

    Latest news

    Related news

    LEAVE A REPLY

    Please enter your comment!
    Please enter your name here