More

    Banka e Shqipërisë, qytetarët Shqiptarë të nxiten për të përdorur paranë elektronike

    Sistemi i pagesave në vend do të modernizohet, për t’i dhënë mundësinë qytetarëve shqiptarë që të përdorin më shumë paranë elektronike.

    Projektligji për shërbimin e pagesave është diskutuar në Komisionin Parlamentar për Çështjet Ligjore, ku zv Guvernatorja e parë Bankës së Shqipërisë, Luljeta Minxhozi bëri me dije, se veç të tjerash, synohet rritja e transparencës në shërbimet e pagesave në mbrojtje të konsumatorëve përmes krijimit dhe mbikëqyrjes së institucioneve të posaçme.

    Projektligji parashikon gjithashtu ofrimin e shërbimeve të informimit mbi llogarinë dhe të inicimit të pagesave, dy koncepte të reja për tregun financiar shqiptar.

    Shërbimi i informacionit mbi llogarinë mund të ofrohet nga institucionet e pagesave ose nga palë të treta, që do të mundësojnë bashkimin dhe qendërzimin e informacionit për të gjitha llogaritë që përdoruesi mund të ketë në banka të ndryshme.

    Ndërkohë, institucionet e inicimit të pagesave do të mundësojnë nisjen dhe kryerjen e një pagese pa qenë nevoja që klienti ta bëjë domosdoshmërish këtë në bankën ku ka llogarinë. /SCAN

    Latest news

    Related news

    LEAVE A REPLY

    Please enter your comment!
    Please enter your name here