More

    Besa Shahini kërkesë Serbisë, vendosja e librave shqip detyrim për shkollat serbe

    Ministrja e Arsimit, Sportit dhe Rinisë Znj. Besa Shahini është takuar në Bujanoc të Serbisë me homologun e saj Z. Mladen Šarčević, Ministër i Arsimit, Shkencës dhe Zhvillimit Teknologjik në Republikën e Serbisë.

    Të pranishëm në takim kanë qenë gjithashtu Kryetari i Zyrës së Trupit Koordinues të Qeverisë së Republikës së Serbisë për komunat e Preshevës, Bujanocit dhe Medvegjës Z. Zoran Stanković, Kryetari i Këshillit Kombëtar të Shqiptarëve në Serbi Z. Ragmi Mustafa dhe Ambasadori Shqiptar në Serbi Z. Ilir Boçka.

    Gjatë takimit, u diskutua problematika e mungesës së librave shkollorë në gjuhën shqipe në Serbi. Në këtë kuadër, Ministrja Shahini shprehu mundësinë e përdorimit të teksteve tona që përdoren në shkollat e Shqipërisë, pasurimin e bibliotekave shkollore me libra në gjuhën shqipe, si dhe ofroi gjithë ekspertizën e nevojshme kurrikulare të Ministrisë së Arsimit, Sportit dhe Rinisë (MASR).

    Oferta e Ministres Shahini u pranua në parim, ndërsa tani në vijim ngelet të detajohet edhe realizimi teknik i planit në mënyrë që të ketë arsim më cilësor për të gjithë shqiptarët në Serbi.
    Gjatë vizitës, Ministrja Besa Shahini vizitoi edhe një shkollë fillore në Bujanoc.

    Latest news

    Related news

    LEAVE A REPLY

    Please enter your comment!
    Please enter your name here