More

    Si Të Kujdeseni Për Stomakun Çdo Ditë – Gabimet Që Duhet Të Shmangni

    Acidet tek lëngjet e agrumeve shkaktojnë një gërryerje të madhe të smaltit të dhëmbit. Foto: Flickr

    Ushqyerja e shëndetshme shkon krah për krah me mirëqenien e stomakut.

    Marrëdhënia mes ushqimit dhe stomakut ka ndikim të drejtpërdrejtë jo vetëm tek shëndeti i organizmit por edhe lumturia e njeriut.

    Ky organ në formën e shkronjës J është një makineri e mirëfilltë hormonesh dhe është linja e parë e mbrojtjes së imunitetit.

    Stomaku luan një rol kyç jo vetëm në transformimin e ushqyeve në energji dhe në përthithjen e ushqyesve por edhe në mirëqenien e të gjitha organeve të tjera, përfshirë trurin.

    Në këtë artikull të AgroWeb.org do të mësoni për 4 veprimet që duhet të bëni çdo ditë për shëndetin e stomakut.

    Të Thartat

    Ushqimet e tharta dhe të hidhura stimulojnë formimin e enzimave tretëse për ushqimin.

    Ekspertët, të cilëve u referohet AgroWeb.org rekomandojnë që përpara një vakti të rëndë hani një sallatë me spinaq e barishte të egra të spërkatura me lëng limoni.

    Gjysëm ore përpara një vakti mund të pini një gotë ujë me lëngun e një gjysmë limoni ose gjysëm luge gjelle me uthull molle.

    Këto kura do të lehtësojnë dhe përshpejtojnë formimin e lëngjeve tretëse.

    Pikantet

    Xhenxhefili, një zhardhok pikant është kura më e mirë për tretjen.

    Ai qetëson stomakun, lehtëson tretjen, eliminon fryrjen dhe të përzierat.

    Xhenxhefilin mund ta konsumoni si çaj dhe ta pini bashkë me limonin për një shëndet më të mirë të stomakut.

    Lëvizja

    Përtacia ndikon edhe tek tretja. Ekspertët thonë se njerëzit që duan të përmirësojnë tretjen duhet të kryejnë aktivitet të rregullt fizik.

    Ky i fundit do të stimulojë kontraktimin natyral të muskujve të sistemit tretës dhe do të lehtësojë eliminimin e mbetjeve ushqimore.

    Hidratimi

    Nëse njeriu nuk pi mjaftueshëm ujë, trupi do të vuajë nga konstipacioni.

    Uji është i domosdoshëm për prodhimin e lëngjeve tretëse pa të cilat njeriu vuan nga gazrat, fryrja dhe të përzierat.

    Ekspertët këshillojnë pirjen e të paktën 2 litrave ujë në ditë./AgroWeb.org

    Latest news

    Related news

    LEAVE A REPLY

    Please enter your comment!
    Please enter your name here