More

    Ju ndodh të flisni me vete? Zbuloni çfarë tregon për ju, qenka shumë e rëndësishme

    Mund të të ketë ndodhur edhe ty që po lexon këtë artikull. Mund ta kesh gjetur veten duke menduar me zë të lartë pavarësisht ambientit apo njerëzve që të rrethojnë.

    Mos u shqetëso, nuk ka asnjë problem. Sipas ekspertëve të folurit me veten është diçka shumë e mirë.

    E Folura Me Veten Dhe Rëndësia e Saj

    Njeriu flet me veten në heshtje gjatë gjithë kohës.

    Këto monologje janë të shëndetshme dhe e mbajnë mendjen në punë.

    Falë të folurës së brendshme, ne jemi në gjendje të organizojmë mendimet, planifikojmë veprimet, konsolidojmë kujtesën dhe të përpunojmë emocionet.

    Ekspertët thonë se të shprehurit e mendimeve me zë të lartë të ndihmon të kesh një botëkuptim më të qartë të së tashmes dhe të së ardhmes.

    Sipas tyre, mënyra se si i flasim vetes dhe me veten është një monolog i çmuar që shpalos mendimet, gjendjen emocionale dhe sjelljen.

    Të Flasësh Me Veten Për Shëndetin Mendor

    Një nga mënyrat më të mira për ruajtjen e shëndetit mendor është që të shkruani gjërat për të cilat jeni mirënjohës dhe më pas të qëndroni para pasqyrës dhe t’i përsërisni ato që keni shkruar me zë të lartë.

    Një praktikë e tillë do ju vejë në pozita të mira me veten dhe do ju udhëheqë drejt një dashurie më të madhe për veten.

    Studimet kanë konfirmuar se njerëzit që flasin mirë me veten dhe për veten kanë një sjellje, perspektivë dhe reagim më të mirë.

    Psikologët inkurajojnë njerëzit që t’i pëshpëritin vetes fjalë të mira herë pas here, pavarësisht situatës ku ndodhen.

    Sipas tyre pëshpëritja e fjalëve pozitive ndaj vetes mund të na japë më shumë forcë dhe kurajo për tu përballur më një situatë jo të zakontë.

    Nëse ndiheni kritikues apo negativë ndaj vetes e folura me veten mund t’ju ndihmojë të keni një perspektivë më të qartë të asaj që po ndodh.

    Ekspertët janë të bindur se e folura me veten mund të jetë një shenjë e një mendje në formë dhe një personi tejet intelektual.

    Latest news

    Related news

    LEAVE A REPLY

    Please enter your comment!
    Please enter your name here