Kategoria Superiore, RTSH bën kërkesë për të hapur “ekranin”

Televizioni Publik i kërkon FSHF-së të drejtën e transmetimit të një apo disa ndeshjeve falas.
Futbolli pas erës së pandemisë do të ndryshojë. Nuk bëhet fjalë për ligjet themelore të fizikës, por për mënyrën e të menduarit dhe të sjelljes. Loja më e ndjekur e planetit natyrisht që do transformohet, madje edhe në shtëpinë e saj, kontinentin e vjetër ku ka gjetur kushtet për t’u zhvilluar deri në formatin që njohim sot ku miliardat e marketingut dhe të drejtat televizive i kanë dhënë formë topit.