More

    Kalaja e Boderit është shpallur monument kulture i kategorisë së parë, nga Ministria

    Prek trashëgiminë  Kalaja e Boderit

    Statusi i objektit: Kalaja e Boderit është shpallur monument kulture i kategorisë së parë, nga Ministria e Arsimit dhe e Kulturës me urdhëresë datë.08.01.1977.

    Viti/koha e ndërtimit: Shek. VI pas. Kr.

    Vendndodhja: Fshati Bashaj, Bashkia Selenicë.

    Përshkrimi: Kalaja e Boderit ndodhet në anën e majtë të lumit të Smokthinës në një kodër rreth 360 m mbi nivelin e detit, në një nga zonat më të thella të krahinës së Labërisë. Maja e kodrës është e sheshtë dhe muri rrethues mbyll gjithë perimetrin rreth 250 m, që krijon një shumkëndësh të çrregullt. Fortifikimi ka dy kulla katërkëndore një në anën veri-perëndimore, e cila nuk ruhet në gjendje të mirë dhe një tjetër në anën jugore. Trashësia e murit rrethues arrin deri në 1.90 m, ndërsa lartësia maksimale e tij është ruajtur deri në 4 m në dy fragmente, në anën jugore dhe lindore.Teknika e ndërtimit të mureve është ajo me gur mesatar dhe të vegjël të papunuar të lidhur me llaç gëlqereje dhe tjegulla midis tyre,tipike për ndërtimet e antikitetit të vonë.

    Bibliografia: D.Komata., Një vështrim arkeologjik nëpër Luginën e Shushicës. Iliria Nr.7-8, 1977-1978, f.364-365.

    Funksioni: Fortifikim i periudhës së antikitetit të vonë , monument kulture.

    Hyrja: Pa biletë.

    Itinerari: Ndodhet pranë fshatit Bashaj dhe drejt kodrës së Boderit mund të shkohet vetëm me ecje në këmbë.

    Pozicioni në Google Map:
    https://goo.gl/maps/Pspp4iY6xxF2

    #prektrashegimine #drtkvlore
    #edukimipermeskultures #mikuimonumentit
    #vizitonikalaneeBoderit

    Latest news

    Related news

    LEAVE A REPLY

    Please enter your comment!
    Please enter your name here