Rrugët e Britanisë, që para nisjes së pandemisë ishin plot me njerëz dhe biznese, tani u ngjajnë atyre qyteteve fantazmë. Kjo sepse frika nga përhapja e koronavirusit ka bllokuar gjithçka, e njerëzit po zgjedhin të qëndrojnë në shtëpi, nga frika e infektimit.
Por specialistët e ekonomisë kanë një tjetër hall. Punët në hotele, bare dhe kafene mund të mos jenë më deri në maj, nisur nga ky bllokim.
E bëhet fjalë për qindra mijëra punë të tilla. Ndërkohë që për shkak të pandemisë mund të shkrihen deri në 50 milionë punë.
Edhe kompania ajrore “British Airways” gjendet në vështirësi, ndërsa drejtuesit kanë thënë se rrezikojnë të falimentojnë.
Më herët kompania “Norwegian Air”, lajmëroi se do të lërë pushim përkohësisht rreth 11 mijë punonjës të saj.