Të vjellat mund të nxiten nga shumë shkaqe. Nga të rënduarit e stomakut me ushqime të tepërta, nga pije të tepërta, nga erërat e këqija, nga të ftohurit e vetë stomakut si dhe nga helmimet. Vjellja shkaktohet nga stomaku, tëmthi, ftohja, nga ushqimet e prishura, nga ilaçet, ngacmime nervore, dhimbje koke, nga dielli i fortë.
Era e keqe e gojës shkaktohet nga dhëmbët e prishur, nga bajamet e qelbëzuara, të infektuara apo të majisura. Por, shkaku kryesor i erës së keqe të gojës është aciditeti i lartë i stomakut.
Mjekime popullore
- Që të pushojë e vjella, pini 1 ugë pegmez lëng rrushi, 2-3 herë në ditë, nga 1 gotë para buke. Kjo mund të vazhdojë 5-7 ditë.
- Mendra është një bimë që ka dhënë rezultate të mira si tek e vjella, ashtu edhe te era e keqe e gojës. Kur personi i sëmurë ka probleme me tretjen e ushqimit, merrni 2 lugë gjelle në 3 gota ujë. I zieni për 10 min. Të rriturve i jepet 1 filxhan menjëherë, kurse fëmijëve 1 filxhan brenda 3 orësh. Të përdoret me pak sheqer si për të rriturit ashtu edhe për fëmijët.
- Gjysëm gote uthull e fortë rrushi e përzier me po aq ujë, 2 lugë kafeje me sheqer dhe një majë luge sodë buke. Ky ilaç i jepet të sëmurit me gllënka, duke ia vazhduar deri sa të ndalen të vjellat.
- Merrni 100 gr gjethe ulliri dhe i zieni në 1 litër ujë, sa të mbetet gjysma, që pihet çdo ditë esëll në mëngjes, nga 1 filxhan kafeje.
- Zieni 2 litra ujë. Në momentin e valimit do të hidhni 1 lugë çaj kamomili, bliri, mender, milce, sherebelë dhe valerianë. E kulloni, e shtrydhni dhe pijeni në mëngjes esëll dhe në darkë para buke, nga 1 filxhan çaj.
- Për erën e keqe të gojës merrni 2 kokrra mollë dhe i zieni në 2 gota ujë për 20 min. Pastaj kullojeni dhe pini 1 gotë në mëngjes esëll e 1 gotë në darkë vonë.