Këshilli i Ministrave ka miratuar heqjen e vizave me një tjetër shtet.
Referuar marrëveshjes së miratuar në parim, shtetasit nga Bjellorusia nuk do të duhet më të aplikojnë për vizë për t’u futur në Shqipëri.
Marrëveshja e miratuar në parim, është një marrëveshje e ndërsjelltë, që do të thotë se edhe shtetasit shqiptarë që do të udhëtojnë drejt Bjellorusisë, nuk do të kenë më nevojë të aplikojnë për vizë pasi marrëveshja të marrë fuqi ligjore.