Krizën aktuale politike, gazeta e Vatikanit, “L’Osservatore Romano”, e quan të ngjashme me 97-n. Duke bërë një panoramë të gjithë itinerarit 1 mujor të protestave dhe veprimeve politike, gazeta shkruan se nëse nuk gjendet një zgjidhje, qoftë dhe me ndërmjetësimin e ndërkombëtareve, situata mund të degradojë.
“Para një krize të ngjashme në vitin 1997 vendi ra në kaos e anarki. Tani kohët kanë ndryshuar, por qëndrimet politike ngjajnë si muri kundër murit. Ata akuzohen reciprokisht se në mënyrë private po shpërndajnë pronën publike”, shkruhet në gazetë, ku gjithashtu vlerësohet qëndrimi i kancelarive europiane.
Këto të fundit nuk i shohin pa baza akuzat e opozitës, thuhet në shkrim, por i tremben rrezikut të trazirave të vendit në mes të Ballkanit.